БАЛАҔАН ЫЙЫН 14 КҮНЭ
Саха норуодунай суруйааччыта, Социалистическай Үлэ Геройа,
РСФСР уонна Саха АССР искусстволарын үтүөлээх деятелэ,
П.А. Ойуунускай аатынан, А.Е. Кулаковскай аатынан
СР Государственнай бириэмийэлэрин лауреата Дмитрий Кононович Сивцев-Суорун Омоллоон төрөөбүтэ
114 сыла
РСФСР уонна Саха АССР искусстволарын үтүөлээх деятелэ,
П.А. Ойуунускай аатынан, А.Е. Кулаковскай аатынан
СР Государственнай бириэмийэлэрин лауреата Дмитрий Кононович Сивцев-Суорун Омоллоон төрөөбүтэ
114 сыла
ЫТЫК КИҺИ КЭС ТЫЛА, СҮБЭТЭ, АЛГЫҺА
- Бар дьоҥҥо, норуокка өҥө - ол буолар дьиҥнээх баай.
- Дьонноох киһи кута-сүрэ хаһан да мөлтөөбөт, тостубат, мэлдьи чөллөөх, күүстээх буолар.
- Дьон сыһыаныгар саамай суолталаах - сүрэх. Киһини сүрэххитинэн билэргэ кыһаныҥ. Кини сүрэҕин санаатын сүрэххитинэн өйдөөҥ. Саха киһитин сүрэҕэ кыымнаах, уоттаах. Ону өрүү күөдьүтэ сылдьыҥ.
- Үчүгэйтэн үөрбүт киһи сирэйин курдугу өрүү өйдөөбөппүн. Саха үөрүнньэҥ омук. Үөрүү киһини үрдэтэр.
- Улахан талаан, улахан кутаа курдук, хараҥаны хайа тыырыыта күүстээх буолуохтаах.
- Төлөн туох баар итиитин, сырдыгын биирдэ эрэ биэрэн баран, эмискэ бүтэн хаалааччы. Кэрэни айааччылар үгүстэрин да айылҕата оннук.
- Духуобунай баай уһун үйэлээх буолуохтаах. Көлүөнэттэн көлүөнэҕэ бэриллэн муҥура суох хаҥыы, байа, сайда турар.
- Олоҥхо саха норуотугар кини искусствотын, поэзиятын муудараһын энциклопедията буолар.
- Ааҕыҥ ханнык баҕарар суруйааччы айымньытын. Эһиги булуоххут бэйэҕитигэр анаммыт алгыс тыллары, олох сырдык аартыгар сирдиир ыччат дьону.
- Музеи во всем мире пользуются особым признанием и любовью. Их притягательная сила огромна, добрая слава их гремит по всей планете как вечный зов к прекрасному.
- Ыырбытыттан тахсар ыллыкпыт ыраас, көнө, дьылҕабытыгар дабайар аартыкпыт киэҥ, сирдиир орой сулустаах, сырдык күннээх буоларыгар эрэнэммин сүрэҕим-быарым холку, өйүм-санаам дьэҥкэ.
- Киһи норуотугар туһата үйэ уһунунан буолбакка, үлэ үйэлээҕинэн кэмнэнэр-кээмэйдэнэр.
- Норуот сүрэҕэр кэриэс буолан хаалыы - бу саамай уһунтан уһун, өлбөт үйэ буолуохтаах.
- Мин эт бэйэм өлбүтүм иннигэр, айымньы бэйэм ыччаттарбын кытта ыксалаһар буолуом: чороон айах буолан уураһыам, эбир хамыйах буолан эҕэрдэлиэм, үтүө алгыс буоламмын үрдүккэ ыҥырыам, кэрэмэс симэх буоламмын кэрэҕэ угуйуом: киһи диэн кэрэттэн-кэрэ буолар кэскиллээҕин кэпсии туруом.
И.А. Аргунов аатынан Ытык Күөл киин библиотеката
