Кытаанахха мэҥэ таастар аһылыннылар
Чурапчы улууһун Кытаанах нэһилиэгэ Саха сиригэр биллэр-көстөр суолу хааларбыт профессор Е.И.Коркина, саха тустуутун Олимп чыпчаалыгар таһаарбыт Д.П.Коркин, худуоһунньук А.П.Собакин, народнай суруйааччы Далан курдук дьоннордоох.
Нэһилиэк баһылыга Егор Николаевич Потапов салалтатынан биллэр-көстөр биир дойдулаахтарын ааттарын үйэтитиигэ Кытаанахха дьоһуннаах үлэ ыытыллар.
Алтынньы 7 күнүгэр народнай суруйааччы Далан, Саха АССР искусствотын үтүөлээх деятелэ Афанасий Петрович Собакин төрөөбүт алаастарыгар мэҥэ таастар үөрүүлээхтик аһылыннылар. Мэҥэ таастар Саха Республикатын үтүөлээх үлэһитэ Валерий Герасимов алгыһынан арчыланнылар.
Ити дьаһалларга СР пааматынньыктары харыстааһын департаменын салайааччы Н.А.Макаров, народнай суруйааччы Харысхал, худуоһунньук Вячеслав Яроев, пааматынньыктары араҥаччылааччы Руслан Васильев, улуус баһылыгын солбуйааччы Аммосов кытыннылар.
