Литературная Якутия


 
29.01.2016
 

«СЭРГЭЛЭЭХ УОТТАРА»
историятыттан

3 чааһа
Сэргэлээх уоттара

1940–50 сс. Институкка саха литературатын Н. Заболоцкай, кини кэнниттэн Семен Данилов үөрэппиттэрэ. Семен Данилов айар түмсүүнү тэрийбитэ.

Поэт Моисей Ефимов “Сэргэлээх уоттара” түмсүү туһунан маннык суруйбут: “1948 сыллаахха күһүн Якутскайдааҕы пединститут иһинэн институт преподавателэ, поэт Семен Данилов салайааччылаах литературнай куруһуок тэриллибитэ”. Куруһуокка Т. Сметанин, М. Ефимов, И. Гоголев, И. Спиридонов, И. Федосеев, И. Иванов, М. Иванов, Р. Максимова, Ф. Аргунов, В. Гольдеров, А. Федоров, А. Дьяконов, С. Федотов, Р. Баҕатаайыскай, П. Андросов о.д.а. кыттыыны ылбыттар. Бары айар үлэнэн үлүһүйбүт дьон этибит диир, Моисей Ефимов. Бастаан “Сэргэлээх уоттара” диэн илиинэн суруллар сурунаалы таһаарбыттар. Онон, куруһуок сурунаал аатынан ааттаммыт эбит.

1953–1956 сс. «Сэргэлээх уоттарын» салайааччытынан Иннокентий Артамонов анаммыта. Бу кэмҥэ куруһуокка Р. Баҕатаайыскай, Н. Босиков, В. Сивцев, А. Бродников, М. Тимофеев сылдьыбыттара.

1957–1960-с сс. РОЯШ студена Иван Алексеев салайбыта, оттон 1960–63 сс. – Петр Аввакумов. Манна сылдьыбыттара: Г. Дохунаев, И. Дмитриев, В. Тарабукин, И. Кузьмин, И. Сысолятин уо.д.а. Кэлин – Д. Дыдаев, И. Еремеев, И. Яковлев.

1964–1966 сс. СГУ ассистена В.Н. Протодьяконов салайан үлэлэппитэ. Манна сылдьыбыттара: Аким Кондратьев, Иван Слепцов-Уйаандьын, Николай Винокуров-Урсун, Дмитрий Балагаччинскай, Анатолий Нелунов, Ефим Протопопов-Томпонскай, Николай Васильев, Михаил Духов, С. Кустуктанов уо.д.а.

1966–1986 сс. СГУ преподавателэ Е.П. Шестаков салайбыта. Киниэхэ үөрэммиттэрэ: Варвара Потапова, Василий Саввин, Саргылана Гольдердова, Умсуура, Александра Григорьева, Егор Неймохов, Мария Михайлова, Василий Скрябин, Александр Тарасов, Евсей Лугинов уо.д.а.

1987–1989 сс. – поэт А. Старостин-Сиэн Кынат, 1989–91 сс. – Н. Винокуров-Урсун, 1992–1993 сс. – Е. Неймохов, 1997-1999 сс. – М. Борисова, 2009-2011 сс. – Е. Архипова, 2012-2013 сс. - Р.Н. Каженкин, Г. Андросов салайан үлэлэппиттэрэ.

Билигин «Сэргэлээх уоттарын» салайаллар ХИФУ ХИОНТуоКИ саха литературатын кафедратын доцена М.П. Попова, поэт, «Айыы Кыһата» оскуола дириэктэрин иитэр үлэҕэ солбуйааччы Р.Н. Каженкин уонна ХИФУ ХИОНТуоКИ студена Нь. Захаров.

«СЭРГЭЛЭЭХ УОТТАРА»
билиҥҥи кэмҥэ

  
  
  
  

Литературнай пикник
2015 сыл, Хаҥалас