Литературная Якутия


 
15.08.2018
 
Афанасий Гуринов

«СУНТААР МИИГИН ЫҤЫРАР»

Күндү доҕоттор!

Саха народнай поэта Леонид Попов аатынан "Сунтаар миигин ыҥырар" региональнай ырыа-хоһоон түһүлгэтин ыытыллар болдьоҕо уларыйда!

Эһигини Сунтаар улууһун Арыылаах нэһилиэгэр балаҕан ыйын 14 күнүгэр күүтэбит!

Ырыа-хоһоон түһүлгэтин дьоро күнүн күндү ыалдьыта буолуҥ, уус-уран тыл умсугутуулаах эйгэтигэр кыттыһан, ырыа-хоһоон куттаах доҕоттордуун астына алтыһан, айымньыларгытын дьоҥҥо-сэргэҕэ сүрэхтээн, айар эйгэҕитин кэҥэтэн, санааҕытын сайа этэргитин эрэнэ күүтэбит.

Күндү доҕоттор, көмүс күһүн дьикти кэрэ түгэнигэр
СУНТААР ЭҺИГИНИ ЫҤЫРАР!

Саха народнай поэта Леонид Андреевич Попов аатынан "Сунтаар миигин ыҥырар" региональнай ырыа-хоһоон түһүлгэтин балаһыанньата:

 

Тэрийээччилэр: "Сунтаар улууһа (оройуона)" дьаһалтата, "Тойбохой нэһилиэгэ" МТ дьаһалтата, "Арыылаах нэһилиэгэ" МТ дьаһалтата, улуустааҕы култуура уонна айылгы салалтата, улуустааҕы кииннэммит библиотечнай ситим, улуустааҕы мелодистар түмсүүлэрэ.

Буолар күнэ: Балаҕан ыйын 14 күнэ, 2018 сыл.

Буолар сирэ: Сунтаар улууһа, Уһун-Күөл нэһилиэгэ, сынньалаҥ паарката.

Сыала-соруга:

  • ✔ Уус-уран ааҕыыны көҕүлээһин, литератураҕа угуйуу;
  • ✔ Л. А. Попов аатын-суолун үйэтитии, айар үлэтин пропагандалааһын;
  • ✔ Саҥа айар ааттары арыйыы;
  • ✔ Ыаллыы улуустары кытта культурнай, литературнай сибээс олохтооһунун бөҕөргөтүү.

Кыттааччылар:

18 саастарын туолбут айар-суруйар талааннаах биирдиилээн дьон, литературнай түмсүүлэр, ырыа айааччылар, мелодистар түмсүүлэрэ, ону таһынан баҕалаах бары дьон.

Тэрээһин чэрчитэ:

2018 сыл балаҕан ыйын 14 күнэ

  • 9.00-10.00 — мустуу, регистрация. Уһун-Күөл нэһилиэгэ, Л. А. Попов музей-уһаайбата.
  • 10.00-11.00 — Саха народнай поэта Леонид Андреевич Попов аатынан "Сунтаар миигин ыҥырар" региональнай ырыа-хоһоон түһүлгэтин үөрүүлээхтик арыйыы: улуустартан кэлбит делегациялар параадтара, ыалдьыттары көрсүү сиэрэ-туома, эҕэрдэлэр.
  • 11.00-13.00 — "Хоһооммунан олорбутум, хоһооммунан дьолломмутум" - Л.Попов хоһооннорун көҥүл ааҕыы.
  • 13.00-14.00 — Эбиэт.
  • 14.00-17.00 — "Мин оҕолорум — мин хоһооннорум" — хоһоонньуттар көҥүл түһүлгэлэрэ.
    "Поэт үрдүк аатыгар сүгүрүйэн" — хоһоонньуттары истии.
    "Кэмчи кэрчиктэр" — тутатына түөрт строкалаах хоһоону айыыга күрэх.
  • 17.00-18.00 — киэһээҥи аһылык.
  • 18.00-21.00 — "Сунтаар сылаас кутаатын түөспэр илдьэ сылдьабын" — Л. А. Попов ырыа буолбут айымньыларын көҥүл түһүлгэтэ, кыттыыны ылаллар ырыа айааччылар, толорооччулар.
  • 21.00 — Тэрээһини түмүктээһин.

"Кынаттаах иэйиилэр" кинигэ быыстапката, кинигэ атыыта, автографтары ылыы, саҥа кинигэлэри билиһиннэрии, хаартыскаҕа түһүү ыытыллыахтара.

 

Кыттааччылар кэлэр-барар, хонор, аһыыр ороскуоттарын бэйэлэрэ уйуналлар.

Сайаапкалары sunlibrary.sakha@mail.ru күүтэбит.

 

Билсэр телефоннаргыт:

  • ☎ 84113522191 — Сунтаар киин библиотеката.
  • ☎ 84113522194 — Сунтаар улууһун култууратын уонна айылгытын салалтата.
  • ☎ 84113528923 — Тотонова Анна Фомична, Сунтаар улууһун мелодистарын түмсүүтүн бэрэссэдээтэлэ.